Verslag van onze razende junior reporter.

Sinds kort hebben we bij de junioren ook een wedstrijdverslaggever, die geheel op eigenwijze verslag uitbrengt van de cup wedstrijd in het Twents. Dit willen we jullie niet onthouden, en hopen nog dat er nog vele verslagen zullen volgen. Lieuwe bedankt en ga zo door.

‘t Is weer begunn’n, de KTO Cup.

Moandag oam’d hadd’n wie ’n earst’n KTO wedstried. En het gung d’r weer onwies van.
Deur ’n misverstaand van Rens Meijer waar’n wie’j luk te vrog, tied sat dus um in te scheet’n. Ook schöt stikstof Jan veur ’t in scheet’n zien’n kloot op ’t dak hij had d’r meuite met um zien’n kloot d’r weer of te kriegn. Rens was d’r zölf nig bie, hij mös met de vrouw op vekaansie, en hij mot dr noe gehaktball’n in doon. Umdat de earst’n wedstried miss’n echt nig kan. Gelukkig was ‘n oaln Auskaamp d’r nog, doar waar’n wie’j blier met.
’n Jong’n Kolthamer mös lös scheet’n, dit ging ‘m good of. Doarnoa was ’t nig meer wat, de rest wat wie schött’n hadd’n was nig mear wat, op ’t eand laag’n wie nog wa dicht bie mekaar.
Onner ’t scheet’n heb’t wie ‘n neije bienaam veur Jan vönd’n. Umdat hij onner ’t scheet’n geet zeai’n, neumt wie ‘m Stikstof Jan.
Blaauw’n vön dat ‘n hemmel dr wa skier oetsag en dach’ dat ‘e wa sönner beus kon scheet’n. Doar had ‘e zich op verkekk’n, zien’n beus had ‘e nog in ’n auto van Mario ligg’n.
De schöt’n van beide Auskaamp’n konn’n dr bie deur.
Stikstof Jan wör’ hellig op Tommie den’n d’r in ziene oag’n ok nig völ van terecht brach’, en zer: “Doar hoof’s ok nig veur oet hoes te komm’n”. Hij was wa de enige den dat vön.
Wie hoopt dat ’t volg’nde moal better zal goan. ’t Was wa ’n oamd.

2e in ‘n 2e wedstried
’n Jong’n Kolthamer was te laat umdat ‘e bie Hasman nog zaand mös strooi’n en parkeerd’n doarnoa zien’n trekker in ’n bearm bie de club. Zien’n lös schot was ‘n half succes umdat wie toen a 2e laag’n deur ‘n mislukt schot bie Lattrop Brekkelkaamp.
’n Jong’n Kolthamer zien 2e schot was kats op ’n hemmel an mear hij har d’r nog wa ‘n luk vaart inzitt’n.
Bie Tom begun ‘t minder good deur ‘n schot kats de groond in mear zien 3e schot (en dat was misschien nig hemoal de bedoeling) mear kon ‘e verrass’nd good d’r veur legg’n.
De beide Auskaamp’n hadd’n wisselvallige schoten mear doar kon ie nig oawer zeur’n, ’t was prima veur de wedstried en hef oons zeker good opweg holp’n tot de 2e plek.
Ondanks Blaauw’n zien 1e schot, den n’n naar’n tik op rechts an kreeg, hef ‘e good schöt’n en kon zelfs good deur ’n drek hen kom’n.
Stikstof Jan har ‘t good gangs, gen’n slechte schoten. Mede dankzij hem bint wie 2e word’n in ’n wedstried. Noa zien 4e en leste schot was de wedstried veur oons a’ beslist.
De eindstaand: Nooit gedacht 1e, Beuningen 2e en Lattrop Brekkelkaamp 3e
Auskaamp S hef ‘n wedstried met ‘n good schot ofmaakt. Nooit gedacht was weer good in vorm disse wedstried en hadd’n weinig slechte schött’n d’r tussen. Lattrop Brekkelkaamp was minder blier met de oetslag umdat zie in ’n veurig’n wedstried 2e waar’n.
Zo as wie ’t leste moal a hop’n is ‘t dit moal ’n stuk better goan. Het was weer hartstikke mooi.

Deur noar de halve finale

Te beginn’n met de felicitaties noar Auskaamp M wel Europees kampioen op stroat is word’n in de wichter competitie deur roem 200 meter verder te scheet’n dan ear Duutse tegg’nstaander.

De deurslaggeemde wedstried veur de halve finale was dit moal bie Nooit Gedacht. En wat was ‘t ’n spann’nde pot. ‘t Was ‘n somber begin mear wat ‘n spektakel hebt wie d’r van maakt.

Tommie mös lös schieten, dit was ‘n erg goad schot mear nig goad sat umdat wie letste laag’n, gelukkig wist Auskaamp S dit recht te zett’n deur ‘n magistraal en secuur schot neer te legg’n in ’n bocht. Hierdeur hebt wie zelfs nog 2 schöt’n veur legg’n.
Tommie had slagmoal in zien schöten woar dan helaas 1 minder schot tuske zat, mear dat heurt d’r bie.
Auskaamp S hef oons flink oet de braand holp’n deur 3 moal in de bocht te scheet’n en 2 moal perfect deur hen te kom’n. Zien letste schot was perfect d’r veur legt en ‘t was ‘n mooi end veur hem. Hij was zeker de “man of the match”. ‘n Verdeende titel veur oonze redder in nood.
’n Jong’n Kolthamer had d’r gen’n slagmoal in zitt’n 2 moal een mooi hard schot mear ok 2 moal woar ‘e gen’n pit in had zitt’n
Blaauw’n had ‘n dramatisch begin, ‘n schot woar ‘e en de rest van ‘t team nig blier met waar’n. Het hef oons zelfs de veursprong kost op Lattrop Brekkelkaamp en Nooit Gedacht. Hij kon zich gelukkig nog goed herpakk’n en ‘n goad de wedstrijd veur zichzelf hef ofslöt’n.
Auskaamp M hef zichzelf aweer bewez’n. Eerst ‘n EK winn’n en dan nog op de dag dat ze weer bie hoes was nog eem’ ‘n wedstried spöl’n. ‘n Somber begin helaas, mear ze hef zich ok goad herpakt.
Stikstof Jan had veur ‘t eerst ‘n slecht schot in de hele Cup wedstried’n. Kats op ’t bos an, hier was ‘e zelf nog ‘t meest hellig oawer.
Mede dankzij oons leider duo Meijer en Mario bint wie deur noar de halve finale.
’n Mooi’n oam’d, en wie hopt op ’n mooi’n halve finale.

Deur Lieuwe Blaauwgeers

Reacties zijn gesloten.