Good vedan in ‘n 2e ronde
‘n 2e Wedstried was ok à weer ‘n groot succes. Dit moal bie beuningen teg’n Nooit Gedacht en Steeds Vooruit.
Met ‘n grandioos begin van bienoa 125 meter hef klein’n Kolthamer oons d’r direct à good veur legt, dit was oons ok ’n heel’n wedstried zo deurgoan. Zo lag’n wie al gauw ‘n schot veur op Nooit Gedacht en zolang at wie ‘n kop maer bie ‘n wedstried hoal’n, hoef’n wie oons ok gen’n zorgen te mak’n ower Steeds Vooruit. Maer noa ‘n paar missers van onder andere Auskaamp en Bertink werd ‘t wel weer eem spann’nd maer gelukkig had Steeds Vooruit ok à gen’n geluk met de schoten. Deur ‘n klein misverstaand van Meijer hebt wie later in ‘ wedstried Stikstof Jan weer d’r in probeerd te krieg’n terwijl den à was wisseld, maer Mario hield dit good in de gaten en hef Tommie dit weer veur oons oplost. Aan ‘t einde van ‘n wedstried lag’n wie op zowel Nooit Gedacht as Steeds Vooruit één schot veur en nog genog meters d’r bie. Wie hebbt nu à 4 punten bie mekaar gooid en maakt dus genog kans op de finale. Volgende moal is bie Steeds Vooruit op ‘m baan, we hopt dat ‘t weer net zo good zal goan.
De Razende Reporter